Enpresaren alderdi administratiboa hobetzeak aukera ematen dizu prozesuak automatizatzeko eta estandarizatzeko, informaziorako sarbidea hobetzeko, eta baliorik eransten ez duten jarduerak ezabatzeko. Azken batean, hobeto antolatuta izango duzu administrazio-saila, efizienteagoa izango da, eta kostuak eta denbora aurreztuko ditu.

Prozesu hau hobetzean, estandarizatu, sistematizatu eta teknifikatu egiten dira merkataritza-prozesuak, eta, ondorioz, merkataritza-errendimendu hobea lortzen da. Merkataritza-jarraipenaren kontrol hobea egiten da, eta baliabide berberekin etekinak handitzeko aukera sortzen da.

Eskura dauden baliabideak optimizatzen ditu, beharrezkoak ez diren zereginak eta errepikakorrak direnak ezabatuz, eta dinamizatu egiten du lan-fluxua. Salmentarako tresnak automatizatzea lortzen da, eta aurkeztutako eskaintzen jarraipena eta kontrola hobetzea.

Prozesu hau hobetzean, berehala hasten da enpresa aurrezkiak lortzen, hain zuzen ere preziorik onenean eskuratzen dituelako ondasunak, zerbitzuak eta kontratuak. Gainera, enpresaren gastuak eta aurrekontuak garbiago geratzen dira islatuta.

Efizientzia produktibo handiagoa lortzen da baliabide berak erabiliz edo ondasun berberak ekoiztuz, eta balio erantsirik gabeko eragiketak detektatu eta ezabatu egiten dira. Egungo plantaren banaketa eta egokitasuna aztertzeak, eta lineen errendimenduak eta denbora ez-emankorrak kalkulatzeak, akatsak zehazki non dauden jakiteko eta, beraz, haiek zuzentzeko aukera ematen du.

Antolaketari, ordenari eta garbitasunari dagokienez hobekuntzak egitean datza ‒alderdi horiek eragin benetan handia dute egunerokoan‒, hondakinak murrizteko jarraibide eta irizpide argiak ezartzen baitira. Saihestu egiten dira desordena, zikinkeria, irizpide falta eta hondakinak sortzea. Gainera, istripuak izateko arriskua murrizten laguntzen du.

Biltegiaren efizientzia hobetuz, bezeroari zerbitzu bikaina emateko beharrezkoak diren materialen eta produkzio-bitartekoen hornidura etengabe eta egokia bermatzen da. Biltegiaren egoera ebaluatzeko, hainbat alderdi aztertu behar dira: stock kopurua, produktuen sarrerari eta irteerari buruzko erantzukizunak, biltegien edukiera, produktu galkorrak, soberan dagoen eta alferrikakoa den materiala, stocka kudeatzeko sistema informatikoa eta barra-kodeak, eta manipulatzeko bitartekoak.

Jarduera operatiboaren jarraitutasuna bermatzen da, makinen eta ekipoen matxuren ondoriozko hausturak saihestuz. Gainera, instalazioen fidagarritasuna hobetzen da, mantentze-lanen kostu operatiboak murrizten dira, denbora ez-emankorrak gutxitzen dira, eta pertsonen eta instalazioen segurtasuna handitzen da.

Gehiegizko kostuak saihestu egiten dira, operazio-marjinak handitu, eta prozesuen hobekuntza-puntuak detektatu. Ekintza hauek produkzio-kostuak kalkulatzea eta murriztea dute xede, desbideratzeak aztertzea, eta enpresaren errentagarritasuna areagotzeko neurriak hartzea.